अचार शब्द सुन्दा पनि कतिपयको मुखमा पानी आउँछ । भनिन्छ स्वाद ठूलो कुरा हो र यो स्वाद मानिसले अचार खाँदा पाउँछ। खाना जतिसुकै बनाए पनि अचारलाई खानामा मिसाएर खाँदा स्वाद दोब्बर हुन्छ । कतिपय मानिसलाई अचार खान यति धेरै मन पर्छ कि खानासँगै अचार पक्कै पनि खान्छन् । खाना जतिसुकै सरल किन नहोस्, अचारले थालीको सौन्दर्य बढाउँछ र खानाको स्वाद पनि बढाउँछ । विशेषगरी महिलाहरु अचार खान निकै मन पराउँछन् । विभिन्न स्वादको बोतल वा प्लाष्टिकमा प्याक गरिएको अचार बजारमा छ्यापछ्याप्ती पाइन्छन् । अचार स्वादिलो हुन्छ तर के तपाईलाई थाहा छ कि यसको अत्याधिक सेवन गर्नु स्वास्थ्यका लागि हानिकारक हुन सक्छ ?
हो, धेरै अचार खाँदा धेरै स्वास्थ्य समस्या हुन सक्छ। अचारमा नुन, खुर्सानी-मसला र तेल धेरै हुन्छ। दैनिक अचार खाँदा उच्च रक्तचाप, एसिडिटी, ग्यास, उच्च कोलेस्ट्रोल र अल्सर जस्ता समस्याले सताउन सक्छ ।
अचार धेरै खानुको बेफ़ाइदाहरु
उच्च रक्तचाप
अचार बनाउन धेरै मात्रामा नुन प्रयोग गरिन्छ, जसका कारण यसमा सोडियमको मात्रा धेरै हुन्छ। सोडियमको मात्रा बढी भएमा रक्तचाप बढ्ने समस्या हुन सक्छ । अचार सुकाउँदा र बनाउँदा धेरै नुन प्रयोग गरिन्छ। बेलाबेलामा अचार खाँदा कुनै समस्या नपर्ने भएता पनि यसलाई बढी मात्रामा खाँदा रक्तचाप बढ्न सक्छ, जुन मुटु सम्बन्धी रोगको कारण पनि बन्न सक्छ ।
कोलेस्ट्रोल बढ्न सक्छ
अचार बनाउन नुनसँगै तेल पनि धेरै मात्रामा प्रयोग गरिन्छ। अधिक तेलको कारण कोलेस्ट्रोल बढ्न सक्छ। यसले राम्रो कोलेस्ट्रोलको मात्रा पनि घटाउँछ, जुन तपाईको मुटुको लागि हानिकारक हुन्छ। जसका कारण मुटु रोग लाग्न सक्छ । जसका कारण कलेजो पनि प्रभावित हुन्छ ।
मृगौलाका लागि हानिकारक
अचारमा नुन बढी हुने भएकाले सोडियमको मात्रा बढी हुन्छ । जसका कारण मिर्गौलामा कामको बोझ बढ्छ । खानेकुरामा धेरै सोडियमले मृगौलामा बढी दबाब दिन्छ, जसले मृगौला सम्बन्धी रोग निम्त्याउन सक्छ। यसका कारण धेरै समस्या आउन सक्छ। पानी जम्ने, फुल्ने जस्ता समस्या पनि हुन सक्छ ।
एसिडिटी र ग्यास
अचारलाई स्वादिष्ट र मसलादार बनाउन यसमा खुर्सानी र मसला बढी प्रयोग गरिन्छ । यस्तो अवस्थामा अचार धेरै खाँदा पाचन सम्बन्धी समस्या हुन सक्छ । दैनिक अचार खाँदा एसिडिटी, ग्यास र अपच जस्ता पेटको समस्या हुन सक्छ । लामो समयसम्म अचारको अत्यधिक सेवनले पेटमा अल्सरको खतरा बढाउँछ ।
कम पोषक तत्व
अचार बनाउँदा त्यसलाई काटेर लामो समयसम्म घाममा सुकाइन्छ, त्यसैले यसमा पानीको पूरै अभाव हुन्छ, लामो समयसम्म घाममा सुकाउँदा अचारमा रहेको पोषक तत्व नष्ट हुन्छ । र यदि हामीले यी अचार धेरै खायौं भने, हाम्रो शरीरमा पनि पोषक तत्वको कमी हुन्छ।
हड्डी कमजोर हुन सक्छ
अचारमा सोडियमको मात्रा धेरै हुन्छ । जसका कारण शरीरले क्याल्सियमलाई राम्रोसँग सोस्न सक्दैन । धेरै अचार खाँदा हड्डी कमजोर हुनुका साथै दुखाइ पनि हुन्छ । यही कारणले गर्दा गठिया र जोर्नीसँग सम्बन्धित रोगहरूमा अचारको सेवन नगर्न सल्लाह दिइन्छ।
तौल बढाउँछ
अचारमा हुने सोडियमले शरिरमा आइरनको मात्रालाई कम गरिदिन्छ । यस्तो अवस्थामा शरिरमा बोसो बढ्ने गर्दछ ।
मृगौला
अचारमा पाइने सोडियमले क्याल्सियमलाई गलाएर मृगौलासम्म पुर्याउँछ । यसले पत्थरीको समस्या निम्त्याउँछ ।
