स्वास्थ्य तथा जनसंख्यामन्त्री मोहनबहादुर बस्नेतले मानसिक रोग नेपालमा चुनौती बन्दै गएको बताएका छन् ।
बिहीबार ललितपुरमा किशोरकिशोरी मानसिक स्वास्थ्य इकाइ उद्घाटन समारोहमा उनले नेपालमा बालबालिकादेखि किशोरकिशोरीहरूमा मानसिक रोगको समस्या बढ्दै गइरहेको बताए ।
मन्त्री बस्नेतले मानसिक रोगको उपचार केन्द्र सातवटै प्रदेशमा बिस्तार गर्न जरुरी रहेको धारणा राखे ।
मानसिक रोगी किन बढिरहेका छन् भन्नेबारेमा अध्ययन हुन जरुरी रहेको पनि उनको भनाइ थियो ।
