के तपाइँ मेवा भित्रको बियालाइ बेकार सम्झेर फाल्ने गर्नु हुन्छ तर ती बियाँ अर्थात् बीउहरू हाम्रो स्वास्थ्यको लागि भने निकै फाइदाजनक हुन्छन्। मेवा एक स्वादिष्ट तथा पोषणले भरिपूर्ण अझ भनौ धेरैले रुचाउने फलफूलमध्ये एक हो । यो खनिज र भिटामिनहरूले भरपूर्ण हुन्छ। हामी प्राय: मेवा खाँदा त्यसको बियाँ निकालेर मेवा खाने गर्छौँ तर मेवाभित्र हुने यसका बियाहरु अझै लाभदायक तथा स्वास्थ्यवर्धक हुन्छ ।
एन्टिअक्सिडेन्टको स्रोत
मेवाको बियाँमा पोलिफेनोल, फ्लेभोनोइड्स, एल्कालोइड्स, ट्यानिन्स र सेपोनिन्स जस्ता एन्टिअक्सिडेन्ट प्रशस्त मात्रामा पाइन्छ। एन्टिअक्सिडेन्टले हामीलाई विभिन्न रोगहरूबाट बचाउँछ।
कलेजो सम्बन्धी रोग
मेवाको बियामा उपलब्ध पोषण तत्वले कलेजोमा लागेको सिरोसिस भन्ने रोगबाट सहजै छुटकारा दिलाउँछ । सिरोसिस भन्ने रोग अत्यधिक रक्सि सेवन बाट हुन्छ । मेवाको ५–६ वटा सुकेको बियालाई सिलौटोमा पिसेर उक्त धुलोलाई कागतीको रस सहितको एक ग्लास पानी वा जुसमा मिसाएर दैनिक एक महिनासम्म सेवन गर्नुहोस् । मेवाको बिउ सेवन गर्नाले कलेजो बलियो हुनुका साथै कलेजोमा कुनै पनि प्रकारको संक्रमण हुन पाउँदैन ।
किटाणु नासक
अनुसन्धानको अनुसार मेवाको बिया खानाले ईकोली, साल्मोनेला, स्टेफिलोकोकस, आदि जस्ता ब्याक्टेरियाहरूलाई मार्न मद्दत गर्दछ। जुन फुड पोइजन गराउने ब्याक्टेरियाहरू हुन्। यसको सेवन गर्नाले ज्वरो समेत लाग्न पाउँदैन ।
क्यान्सरको जोखिमबाट बचाउँछ
मेवाको बियामा पोलिफेनोल हुन्छ जुन शक्तिशाली एन्टिअक्सिडेन्ट हो। त्यसले हाम्रो शरीरलाई विभिन्न प्रकारका क्यान्सरहरूबाट बचाउँछ। मेवाको बीउमा आइसोथियोसाइनेट पनि हुन्छ, जसले क्यान्सर कोशिकाको निर्माण र विकासलाई रोक्छ। मेवाको बियामा प्राप्त गुणले कोलन, स्तन, फोक्सो, ल्युकेमिया र प्रोस्टेट क्यान्सर रोगहरुको बिरुद्धमा काम गर्छ ।
महिनावारीमा दुखाइ कम गर्छ
मेवामा क्यारोटिन हुन्छ। जसले एस्ट्रोजेन हर्मोनको उत्पादनलाई नियन्त्रण गर्न मद्दत गर्दछ। मेवाको बीउले महिनावारी गराउन मद्दत गर्छ र यसको फ्रिक्वेन्सी पनि बढाउन सक्छ। यसले केहिहदसम्म महिनावारीमा हुने दुखाई पनि कम गर्न मदत गर्छ।
तौल घटाउन मद्दत गर्दछ
मेवा दानामा प्रशस्त मात्रामा फाइबर हुन्छ। तिनीहरूले हाम्रो पाचन प्रणालीलाई स्वस्थ राख्छन्। जसकारण हाम्रो शरीरबाट विषाक्त पदार्थहरू हट्छन्। तिनीहरूले हाम्रो मेटाबोलिजमलाई नियमित गर्न र मोटोपना रोक्न मद्दत गर्छ।
कोलेस्ट्रोलको स्तर घटाउँछ
मेवाको बीउमा ओलिक एसिड प्रशस्त हुन्छ। यी फ्याटी एसिडहरूले खराब कोलेस्ट्रोल घटाएर कोलेस्ट्रोलको स्तरलाई नियन्त्रण गर्छ। मेवाको दानामा पनि प्रशस्त मात्रामा फाइबर हुन्छ। फाइबरले शरीरमा कोलेस्ट्रोलको मात्रा घटाउन मद्दत गर्छ।
मिर्गौलालाई फाइदा गर्छ
मेवाको दानाले मिर्गौलालाई क्षति हुनबाट जोगाउँछ। यसको सेवनले मिर्गौलाको कामलाई सहज बनाउँछ।
मुटुको लागि फाइदाजनक
मेवाको दानाले हाम्रो मुटुको रक्षा गर्छ। दानाहरूले रक्तचाप र कोलेस्ट्रोल स्तर कम गर्न पनि मद्दत गर्दछ, जसले हाम्रो हृदयलाई विभिन्न विकारहरूबाट बचाउँछ।
पेट स्वस्थ बनाउँछ
मेवाको दानामा प्रशस्त मात्रामा फाइबर हुन्छ। तिनीहरूले आन्द्राको चाललाई नियमित गर्दछ र शरीरबाट विषाक्त पदार्थहरू हटाउँछ। जसो कारण पेट सफा हुन्छ र कब्जियत पनि हुँदैन। यसले हाम्रो पाचन प्रणालीलाई स्वस्थ राख्छ
