अष्ट्रेलियामा मानिसमा बर्ड फ्लुको पहिलो केस देखिएको छ । एक बच्चामा यो रोगको लक्षण देखिएको बताइएको छ । केही साताअघि भारतमा रहेका बेला बालकलाई पनि यो रोग लागेको बताइएको छ । तर, अहिले बच्चा पूर्ण रुपमा स्वस्थ छन् ।
के भने स्वास्थ्य मन्त्रालयका अधिकारीले ?
भिक्टोरिया राज्यमा बस्ने एक बालकमा बर्डफ्लुको लक्षण देखिएको स्वास्थ्य विभागका अधिकारीहरूले बताएका छन् । अष्ट्रेलियामा कुनै पनि मानिसमा बर्ड फ्लुको यो पहिलो केस हो। बच्चा भारतमा हुँदा एभियन इन्फ्लुएन्जा A (H5N1) संक्रमण भएको थियो। चैत महिनामा उनी बिरामी परे ।
‘राज्यमा संक्रमण फैलिने खतरा छैन’
यद्यपी, राज्यमा यो संक्रमण फैलिएको कुनै पनि केस रिपोर्ट गरिएको छैन। बच्चा मार्च २०२४ मा भारतबाट अष्ट्रेलिया फर्किएको थियो। यसै क्रममा बालक गम्भीर बिरामी परेको थियो । अनुसन्धानपछि डाक्टरहरूले बच्चालाई एभियन इन्फ्लुएन्जा ए (एच५एन१) संक्रमण भएको पत्ता लगाए । अहिले बच्चा स्वस्थ छन।
अस्ट्रेलियामा एभियन इन्फ्लुएन्जा ए को पहिलो केस
अस्ट्रेलियामा एभियन इन्फ्लुएन्जा ए को यो पहिलो केस हो। स्वास्थ्य विभागले राज्यमा अरु कसैलाई पनि H5N1 बाट संक्रमित नभएको जनतालाई आश्वस्त गरेको छ। अनुसन्धानमा त्यस्तो अरु कुनै घटना बाहिर आएको छैन । संक्रमित चराहरूसँग सम्पर्कमा नआएसम्म मानिसलाई यो भाइरसबाट खतरा नहुने चिकित्सकहरू बताउँछन्।
