स्वास्थ्य तथा जनसंख्यामन्त्री मोहनबहादुर बस्नेतले अबको ५ वर्षपछि नेपालमा चिकित्सक पाउन कठिन हुने बताएका छन्।
सोमवार शहीद गंगालाल राष्ट्रिय हृदय रोग केन्द्रको २८ औँ वार्षिकोत्सव समारोहलाई सम्बोधन गर्दै उनले यस्तो बताएका हुन्। उनले आफूले हेर्दा ५ वर्षपछि नेपालमा डाक्टर र नर्स पाउने अवस्था नरहेको जिकिर गरे।
उनले नेपालको शिक्षा नीतिमा केही कमी, कमजोरी रहेको बताए। उनले कमजोरीहरु हटाएर अघि बढ्न आवश्यक रहेको बताए। उनले जनसंख्या बढिरहेको सन्दर्भमा स्वास्थ्यकर्मीहरु पनि बढ्दै जान आवश्यक रहेको बताए।
उनले देशमा कामै नपाउने अवस्था रहेको बताए। उनले दक्ष जनशक्ति नहुने र आधारभूत स्वास्थ्य सेवा उपलब्ध गराउने कुरामा धेरै अफ्ठ्यारो भइरहेको बताए।
